كنافة بالبشميل
كنا جالسين نرسم فى ورقة و اتفقنا على أن يرسم كل منا احلامه , فوجدت أن كل حلم أرسمه بيدى يصبح له نفس الحلم عندها .....فسرحت فى حلمى قليلا ,ثم نظرت جوارى فلم اجدها بجانبى ....ثم بداءت أسمع اصوات تأتى من ناحية المطبخ....فاسرعت حتى اكتشف الامر ...فوجدت كرسى صغير وتقف عليه فتاة أصغر ترتدى فى قدميها شبشبا فرو على هيئة راس قطة وترتدى حول خصرها ملاية المطبخ واذا بها تغسل طبقين صغيرين ......ماذا تصنعين يا نور عينى ؟!....قالت : بطبخ ....بتطبخى ايه ؟!أنا ممكن أساعدك ....قالت : بعمل كنافة بالبشميل ....نعم ! كنافة بالبشميل هو فى حاجة اسمها كده؟.....قالت :اه فى كنافة بالبشميل وأنا بعملها؟.....خلاص كنافة كنافة بس قولى لى انا ممكن اساعدك ازاى؟!......قالت :لا لا أنا هأعمل كل حاجة بنفسى ,روح أنت ألعب مع الناس التعبانة اللى فى المستشفى ......أيه أروح ألعب ....د أنا كده مضيعتش 7 سنيين فى طب بقى وانا كنت فى الملاهى كده.....
و طلعت بلعب كورة مع التعبانين ......و ما ان اقتربت قليلا حتى صرخت فى وجهى وهى تقول أطلع بره أنت هتحرق الطبيخ .....فضحكت وقلت لها ماشى بس متجيش جنب البوتوجاز او السكاكين غير لما تقولى لى ....ها وعد يا شيرو......قالت : وعد يا بابا ......فذهبت وأنا اراقابها من حين الى حين ....حتى جاءت اللى حتى اضع خليطها فى الفرن ....فأعطتنى صنية كبيرة لا ارى منها شئ سوى أن الجبنة واللبن تغطى سطحها....قلت فى نفسى جايز ده البشميل والكنافة تحته ....وسالتها سؤال برئ : لمدة اد ايه اسيبها فى الفرن يا شيرو ؟....قالت : نعم " وهى مسبهلة من السؤال " انت بتقول ايه سيبها نفس الوقت اللى ماما بتسيبها فيه!......قلت فى نفسى هى مامتها عملت الاكلة دى قبل كده طاب كويس والله شروق بداءت تتعلم حاجة من مامتها...وفعلا سيبتها عشر دقائق .....بصراحة كان شكلها وريحتها تجنن
...و أول ما وضعتها على السفرة وشيرو جابت طبقين صغيرين و اول ما بداءت أقطعها سمعت خروشة قلت عادى كنافة .....لغاية ما وضعتها فى الطبق .....مش عارف أوصف اللى شوفته " طماطم .بطاطس .خس .رز وممكن جوافة وبرتقال ....قلت مفيش مشاكل ...وبداءنا ناكل وبداءت علامات الاستغراب تظهر على وجهى و وجهها ....ثم قالت لى أنا هألبس ونخرج نأكل بيتزا بره يلا يا بابا ....ثم أخذت تجرى نحو حجرتها وهى تضحك .....فتبسمت وانا أقول فى نفسى لو استمرت على هذا الحال لمدة اسبوع فسوف يضيع المرتب عند كنتاكى وماكدونالدز......أنها شيرو
طبيب مسلم
م . الرشيدى
ليست هناك تعليقات:
إرسال تعليق